Jeremiah 51

INkosi igweba iBhabhiloni

1Itsho njalo iNkosi: Khangela ngizavusela iBhabhiloni lalabo abahlala enhliziyweni yalabo abangivukelayo ^a umoya ochithayo. ^b 2Ngithume eBhabhiloni abelayo, ^c abazakuyela, bathulule ilizwe layo, ngoba bazamelana layo bevela inhlangothi zonke ^d ngosuku lobubi. ^e 3Kakuthi otshokayo agobise idandili lakhe ^f emelene loligobisayo, ^g njalo emelene loziphakamisayo ^h ebhatshini lakhe lensimbi; ⁱ njalo lingawayekeli amajaha ayo, lilitshabalalise ibutho layo lonke. ^j 4Ngokunjalo ababuleweyo bazakuwa elizweni lamaKhaladiya, labagwazwe ^k ezitaladeni zayo. ^l 5Ngoba uIsrayeli kayikutshiywa, ^m loJuda nguNkulunkulu wabo, yiNkosi yamabandla, lanxa ilizwe labo ligcwele icala koNgcwele kaIsrayeli.

6Balekani liphume phakathi kweBhabhiloni, ^{n , o} likhulule ngulowo lalowo umphefumulo wakhe; ^p lingaqunywa esiphambekweni sayo; ^q ngoba lesi yisikhathi sempindiselo yeNkosi, ^r ophindisela impindiselo kuyo. ^s

7IBhabhiloni yayiyinkezo yegolide esandleni seNkosi, ^t eyayidakisa umhlaba wonke; izizwe zanatha okwewayini layo; ^u ngenxa yalokho izizwe zahlanya. ^v 8IBhabhiloni ^w yahle yawa, yephuka; ^x qhinqani isililo ngayo, ^y lithathele ubuhlungu bayo ibhalisamu, ^z mhlawumbe ingelatshwa. 9Besingayelapha iBhabhiloni, kodwa kayelaphekanga; itshiyeni, ^aa asihambeni ngulowo lalowo aye elizweni lakhe; ^ab ngoba isigwebo sayo sifinyelele ^ac emazulwini, ^ad siphakanyisiwe kwaze kwafika esibhakabhakeni. ^ae 10INkosi ikhuphe ^af ukulunga kwethu; ^ag wozani, silandise eZiyoni ^ah umsebenzi weNkosi uNkulunkulu wethu.

11Lolani imitshoko, ^ai liqoqe izihlangu; ^aj iNkosi ivusile umoya wamakhosi ^ak amaMede; ^al ngoba icebo layo limelene leBhabhiloni ^am ukuyichitha; ngoba lokho kuyimpindiselo yeNkosi, ^an impindiselo yethempeli layo. ^ao 12Phakamisani isiboniso phezu kwemiduli yeBhabhiloni, ^ap liqinise ukulinda, ^aq libeke abalindi, ^ar lilungise abacathami, ngoba iNkosi isikucebile, futhi izakwenza ^as lokho ekukhulume ngabahlali beBhabhiloni.

13Wena ohlala emanzini amanengi, ^at owande ngamagugu, ^au ukuphela kwakho sekufikile, isilinganiso senzuzo yakho embi. ^av 14INkosi yamabandla ifungile ^aw ngomphefumulo wayo yathi: Isibili ngizakugcwalisa ngabantu ^ax njengamacimbi, ^ay njalo bazahlabelela umkhosi ngawe. ^az

15Wenza umhlaba ngamandla akhe, ^ba walimisa ilizwe ngenhlakanipho yakhe, langokuqedisisa kwakhe wendlala amazulu. 16Lapho ekhupha ilizwi lakhe, kulokuhlokoma kwamanzi amanengi emazulwini, ukhuphula inkungu ivela emkhawulweni womhlaba, enze imibane kanye lezulu, akhuphe umoya eziphaleni zakhe.

17Wonke umuntu uyisiphukuphuku kalalwazi; wonke umkhandi wegolide uyangiswa yisithombe esibaziweyo, ngoba isithombe sakhe esibunjwe ngokuncibilikisa siyinkohliso, njalo kakulamoya kuzo. 18Ziyize, umsebenzi wezinkohliso; ngesikhathi sokuhanjelwa kwazo zizabhubha. 19Isabelo sikaJakobe kasinjengazo; ngoba yena nguye umbumbi wakho konke, loIsrayeli uyintonga yelifa lakhe; ^bb iNkosi yamabandla libizo lakhe.

20Wena uyinduku yami yempi, izikhali zempi; ^{bc , bd} ngoba ngawe ngizaphahlaza izizwe, langawe ngichithe imibuso, 21langawe ngiphahlaze ibhiza lomgadi walo, langawe ngiphahlaze inqola lomkhweli wayo, 22langawe ngiphahlaze indoda lowesifazana, langawe ngiphahlaze ixhegu lomutsha, ^be langawe ngiphahlaze ijaha lentombi, ^bf 23langawe ngiphahlaze umelusi lomhlambi wakhe, langawe ngiphahlaze umlimi lesipani sakhe, langawe ngiphahlaze ababusi lezinduna. ^bg 24Njalo ngizayiphindisela iBhabhiloni ^bh labo bonke abahlali beKhaladiya konke okubi kwabo abakwenzileyo eZiyoni ^bi emehlweni enu, itsho iNkosi.

25Khangela, ngimelana lawe, wena ntaba echithayo, ^bj itsho iNkosi, echitha umhlaba wonke; ngizakwelulela isandla sami kuwe, ngikugiqe usuke emadwaleni, ngikwenze ube yintaba yokutshiswa. ^bk 26Njalo kabayikuthatha kuwe ilitshe libe ngelengonsi, ^bl lelitshe libe ngelezisekelo; ngoba uzakuba ngamanxiwa aphakade, itsho iNkosi.

27Phakamisani isiboniso elizweni, ^bm livuthele uphondo phakathi kwezizwe, ^bn lilungise ^bo izizwe ukumelana layo, ^bp liyibizele ndawonye imibuso ^bq yeArarathi, ^br iMini, ^bs leAshikenazi; ^bt libeke umlawuli webutho emelene layo, ^bu lenyuse amabhiza njengentethe ezimaxhakaxhaka. ^bv 28Lungisani izizwe ^bw ukumelana layo, ^bx amakhosi amaMede, ^by induna zayo, ^bz lababusi bayo bonke, lelizwe lonke lombuso wayo. ^ca 29Lelizwe lizazamazama libe lobuhlungu, ^cb ngoba ngalinye lamacebo eNkosi lima limelene leBhabhiloni, ^cc ukwenza ilizwe leBhabhiloni libe yincithakalo ^cd engelamhlali. ^ce

30Amaqhawe eBhabhiloni ayekele ukulwa, ahlala ezinqabeni, amandla awo aphelile, sebengabesifazana; ^cf bathungele indawo zayo zokuhlala, ^cg imigoqo yayo ^{ch , ci} yephukile. ^cj 31Isigijimi sizagijima ukuhlangana lesigijimi, ^ck lombiki ukuhlangana lombiki, ukutshela inkosi yeBhabhiloni ukuthi umuzi wayo uthunjiwe kusukela ekucineni, ^cl 32lamazibuko ^cm abanjiwe, ^cn lamaxhaphozi atshiswe ngomlilo, ^co lamadoda empi ethukile. 33Ngoba itsho njalo iNkosi yamabandla, uNkulunkulu kaIsrayeli: Indodakazi yeBhabhiloni injengebala lokubhulela; ^cp kuyisikhathi sokuyinyathela; ^cq kuseyisikhatshana, lesikhathi sesivuno sizafika kuyo. ^cr

34UNebhukadirezari inkosi yeBhabhiloni ungidlile, ^cs ungichobozile; wangibeka ngaba yimbiza engelalutho, wangiginya ^ct njengomgobho, ^cu wagcwalisa isisu sakhe ngezibondlo zami, wangixotsha. ^cv 35Udlakela lwami lolwenyama yami kube phezu kweBhabhiloni, utsho umhlalikazi weZiyoni; legazi lami libe phezu kwabahlali beKhaladiya, itsho iJerusalema.

36Ngakho itsho njalo iNkosi: Khangela, ngizalumela udaba lwakho, ^cw ngiphindisele impindiselo yakho; ngomise ^{cx , cy} ulwandle lwayo, ^cz ngenze umthombo wayo wome. ^da 37LeBhabhiloni izakuba ngamadundulu, ^db indawo yokuhlala ^dc yemigobho, ^dd isesabiso, ^de lento yokuncifelwa, ^df kungelamhlali. ^dg 38Bazabhonga kanyekanye njengamabhongo ezilwane, ^dh bahwabhe njengemidlwane yezilwane. ^di 39Ekutshisekeni kwabo ngizabenzela amadili, ^dj ngibadakise ^{dk , dl} ukuze bathokoze, balale ubuthongo obulaphakade, ^{dm , dn} bangavuki, ^do itsho iNkosi. 40Ngizabehlisa njengamawundlu ekuhlatshweni, njengezinqama kanye lezimpongo. ^dp

41Ithunjwe njani iSheshaki; ^dq yebo, lubanjiwe ^dr udumo lomhlaba wonke! ^ds IBhabhiloni isibe njani yisesabiso phakathi kwezizwe! ^dt 42Ulwandle lukhukhumele phezu kweBhabhiloni, ^du isibekelwe ngobunengi bamagagasi alo. 43Imizi yayo isingamanxiwa, ^dv ilizwe elomileyo, ^dw lenkangala, ^dx ilizwe okungahlali muntu kulo, ^dy okungadluli kulo indodana yomuntu.

44Njalo ngizajezisa uBheli eBhabhiloni, ^dz ngikhuphe emlonyeni wakhe lokho akuginyileyo; ^ea lezizwe kazisayikujulukela kuyo; ^eb yebo, umduli weBhabhiloni uwile. ^ec 45Phumani phakathi kwayo, bantu bami, ^ed likhulule ngulowo lalowo umphefumulo wakhe ^ee ekuvutheni kolaka lweNkosi. ^ef 46Njalo hlezi inhliziyo yenu ibe buthakathaka, ^eg lesabe ngombiko ozwakala elizweni; ^eh ngoba kuzafika umbiko ngomunye umnyaka, lemva kwalokho umbiko ngomnyaka olandelayo, lodlakela elizweni, lombusi avukele umbusi. ^ei 47Ngakho khangela, insuku ziyeza lapho engizahambela ^ej izithombe ezibaziweyo zeBhabhiloni; ^{ek , el} lelizwe lonke layo lizayangeka, ^em lababuleweyo bayo bonke bawele phakathi kwayo. ^en 48Kuzakuthi-ke amazulu lomhlaba lakho konke okukukho ^eo kuhlabelele ngeBhabhiloni, ngoba abachithi bazayifikela bevela enyakatho, ^ep itsho iNkosi. 49Njengalokhu iBhabhiloni yenza bawe ababuleweyo bakoIsrayeli, ^eq ngokunjalo ababuleweyo bomhlaba wonke bazakuwa eBhabhiloni. ^er

50Lina eliphunyukileyo enkembeni, ^es hambani, lingemi; khumbulani iNkosi lisekhatshana, ^et leJerusalema ivele enhliziyweni yenu. ^eu 51Siyangekile ngoba sizwile ihlazo; ^ev inhloni zisibekele ubuso bethu, ^{ew , ex} ngoba abezizwe sebefikile ezindaweni ezingcwele zendlu yeNkosi. ^ey

52Ngakho khangela, insuku ziyeza, ^ez itsho iNkosi, lapho engizahambela izithombe zayo ezibaziweyo; ^fa lakulo lonke ilizwe layo ^fb kuzabubula ogwaziweyo. ^fc 53Loba iBhabhiloni ingaphakamela emazulwini, ^fd njalo loba ingaqinisa ukuphakama kwamandla ayo, ^fe kube kanti abachithi bazayifikela bevela kimi, itsho iNkosi.

54Kulomsindo wokukhala ovela eBhabhiloni, ^ff lokufohlela okukhulu elizweni lamaKhaladiya. 55Ngoba iNkosi ichithile iBhabhiloni, yabhubhisa kuyo ilizwi elikhulu. Lapho amagagasi abo ahlokoma njengamanzi amanengi, ^fg umsindo wawo uzakhupha ilizwi. 56Ngoba umchithi wehlela phezu kwayo, phezu kweBhabhiloni, amaqhawe ayo azathunjwa, amadandili awo ephukile; ngoba iNkosi, uNkulunkulu wezimpindiselo, uzayivuza sibili. ^fh

57Ngizadakisa-ke ^fi iziphathamandla zayo, ^fj lezihlakaniphi zayo, ^fk ababusi bayo, ^fl lenduna zayo, ^fm lamaqhawe ayo; njalo bazalala ubuthongo obulaphakade, ^fn bangavuki, ^fo itsho iNkosi, obizo layo nguJehova wamabandla. ^fp 58Itsho njalo iNkosi yamabandla: Imiduli ebanzi yeBhabhiloni izadilizwa ngokupheleleyo, ^fq lamasango ayo aphakemeyo athungelwe ngomlilo, ^fr labantu batshikatshikele ize, ^fs lezizwe ^ft zitshikatshikele umlilo, ^fu zikhathale. ^{fv , fw}

59Ilizwi uJeremiya umprofethi alilaya uSeraya indodana kaNeriya, ^fx indodana kaMahaseya, ekuhambeni kwakhe loZedekhiya inkosi yakoJuda ukuya eBhabhiloni emnyakeni wesine wokubusa kwakhe. ^fy Njalo uSeraya wayeyisiphathamandla ^fz sokuthula. ^ga 60UJeremiya wasebhala egwalweni konke okubi okuzakwehlela iBhabhiloni, wonke lamazwi abhaliweyo emelene leBhabhiloni. ^gb 61UJeremiya wasesithi kuSeraya: Lapho usufikile eBhabhiloni, ubone ufunde wonke lamazwi. 62Ubususithi: Nkosi, wena ukhulumile ngalindawo ukuthi uzayiquma, ukuze kungabi khona umhlali kiyo, ^gc kusukela emuntwini kusiya enyamazaneni, ^gd kodwa ibe zincithakalo phakade. 63Kuzakuthi-ke usuqedile ukulufunda lolugwalo, ubophele ilitshe kulo, ^ge uluphosele phakathi kweYufrathi, 64ubususithi: Ngokunjalo iBhabhiloni izatshona, ^gf ingabe isavumbuluka, ngenxa yobubi engizayehlisela bona; njalo bazadinwa. ^gg Kuze kube lapha ngamazwi kaJeremiya. ^gh